Por unanimidade foi aprobada o 26 de maio a moción presentada polas traballadoras fixas discontinuas da conserveira de Vilanova de Arousa Pérez Lafuente. Conseguiron tamén que se creara unha comisión de seguimento para mediar neste conflito e apoiar ás traballadoras.

O venres 23 de maio desenvolveuse unha nova xornada de folga na conserveira de Vilanova de Arousa Pérez Lafuente. Doce patrullas da garda civil acudiron á primeira hora da mañá. As traballadoras fixas discontinuas concentráronse diante da fábrica desde as nove da mañá.

Ás seis e media da mañá comezaban a chegar as piquetes á fábrica de Conservas Pérez Lafuente en Vilanova de Arousa. Alí permaneceron durante todo o día as perto de trinta mulleres que conseguiron parar a produción desta fábrica, na demanda de carga de traballo e por un plan de futuro para esta empresa.

Continúa aberto o conflito aberto na conserveira de Vilanova de Arousa Pérez Lafuente. Estas traballadoras decidiron dar a coñecer o seu conflito ao Pleno municipal e aos grupos municipais que compoñen o mesmo. Entre outras cuestións, estas traballadoras reivindican o establecemento dunha xornada laboral efectiva e continuada todo o ano, xa que a fixa discontinuas nos últimos anos só significou incerteza, precariedade e moi pouco traballo.

Pouco máis dun mes traballado como máximo no que vai de ano é a situación na que están a vivir as fixas discontinuas da conserveira de Vilanova de Arousa Pérez Lafuente. Sen carga de traballo, e cunha dirección que non escoita as súas demandas, as traballadoras están en pé de guerra pola defensa dos seus postos de traballo.