Décimo dia de folga para as traballadoras da limpeza de edificios e locais na provincia de Pontevedra, que levou a agudizar o enxeño, e apurar novas accións. En Vigo, e diante da abafante presenza de antidisturbios, que obstaculizaron en todo momento o labor dos e das piquetes, decidiron coller un barco e achegarse até Cangas, para manifestarse nesta vila. En Pontevedra volvían ocupar de novo un edificio da administración, e recuncaban no edificio de Presidencia da Xunta, na rúa Benito Corbal, onde permaneceron pechadas até case as nove da noite.

As empregadas e empregados da empresa de componentes da antiga Valeo, na actualidade Cablerias Auto, protagonizaron un peche na sede da Consellaria de Traballo en Vigo, na Praza da Estrela, para reclamar respostas a súa situación de incertidume laboral. Unhas 60 traballadoras desta fábrica de O Porriño demandaban asi de novo que se comprometeran a elaborar un plan que garantira o futuro da planta e das súas 92 traballadoras e traballadores.

Un numeroso grupo de traballadores e traballadoras do servizo de emerxencias 112 de Galiza acudía o 9 de setembro a unha nova marcha para reclamar que se escoiten as súas demandas, así como para facer entrega no edificio administrativo da Xunta das máis de 4.000 sinaturas de apoio que teñen recollido ao longo dos últimos meses.

O martes 9 de setembro ás 11.30 partirá desde o Parlamento Galego unha marcha dos traballadores e traballadoras do 112, que chegará a San Caetano ás 12.30 da mañá. Neste edificio administrativo da Xunta terá lugar a entrega de máis de 4.000 sinaturas que estes traballadores e traballadoras levan recollendo en apoio das suas demandas.

A CIG – Administración Autonómica prosegue coa campaña de denuncia da amortización inxustificada de 42 postos de traballo que emprendeu a Consellaría de Presidencia. Medio cento de delegados da CIG e traballadores da Xunta concentráronse o 29 de maio diante do Edificio Administrativo de Monelos, en A Coruña. Denuncian que Méndez Romeu botará 42 traballadores coa intención de crear prazas de libre designación para o seu equipo na Secretaría Xeral de Presidencia.

A Escola Infantil do novo edificio administrativo da Xunta no bairro de Campolongo será de carácter público. Ese é o compromiso obtido da delegada provincial de Presidencia, Maica Larriba, ás cinco centrais sindicais (CIG, CSI-Csif, CGT, UGT e CCOO) que conforman os comités de empresa e a xunta de persoal das delegacións provinciais. Será, segundo as xestións desta delegada, a Consellería de Vicepresidencia quen será responsábel do devandito servizo.