Traballadores e traballadoras da seguridade privada que realizan os seus servizos para a Xunta concentráronse diante do complexo de edificios administrativos de San Lázaro para reclamar a equiparación salarial ao persoal laboral da administración pública. A CIG reclama tamén que o servizo de seguridade privada volva ser público.

O Secretario Nacional da Federación de Servizos da CIG, Paulo Rubido, reclamou a Secretaría Xeral do Sergas que non adxudique a VIPROGA o concurso de servizo de seguridade privada do Complexo Hospitalario Universitario de Santiago de Compostela. A empresa, que leva xestionando este servizo 18 anos, cometeu múltiples irregularidades cos seus traballadores e mesmo enganou á dirección do centro presentando falsos partes de servizos.

A patronal do sector de seguridade privada manifestaba, na última xuntanza da mesa negociadora do convenio, o pasado 11 de novembro, a súa negativa a abordar cuestións económicas e a aceptar a proposta dun incremento salarial do IPC máis dous puntos, sob pretexto da situación provocada pola crise económica. Para a CIG-Servizos esta posición é inadmisíbel e xa anunciou que de manterse optará pola mobilización.

O responsábel do Comercio da CIG-Servizos da Coruña, Roberto Pérez Vila, denunciou en dependencias policiais as agresións das que foi obxecto por parte de vixilantes da compañía Prosegur no decurso da folga do 17 de outubro no Comercio vario da provincia. Outra traballadora, á que lle diagnosticaron unha escordadura nun dedo dunha man como consecuencia dos golpes recibidos, tamén presentou unha denuncia contra membros de Prosegur. Esta operaria ten o brazo en estribeira e inmobilizado e se atopa de baixa laboral.

Viproga presentou unha demanda contra a consellaría de Cultura por ter favorecido, supostamente, a outra empresa ao outorgarlle a concesión do servizo de seguridade da Cidade da Cultura. Daniel Rego, xerente de Viproga, fundamentaba a denuncia en que a súa oferta era máis baixa e que, malia todo, quedou excluída. Porén, CIG-Servizos considera que quedou fóra do concurso por non aterse á legalidade e lembrou que Viproga ten unhas 40 sentenzas na súa contra nos últimos 5 anos.

Membros da CIG-Servizos e da Unión Comarcal de Lugo concentráronse o 7 de maio diante da Subdelegación do Goberno español na cidade para denunciar o intrusismo laboral na seguridade privada. A central nacionalista, ademais, esixe a readmisión dos 12 vixilantes despedidos na empresa “GARDA Servicios de Seguridad S.A.”.