O 15 de setembro, representantes sindicais da CIG concentráronse ante a oficina do Banco Pastor en Maside (Ourense) para protestar pola persecución á que está sendo sometido un delegado por parte do Director desta sucursal.

O concello de Rairiz de Veiga foi condenado a pagar unha indemnización de máis de 13.000 euros por violación da integridade moral dun traballador municipal, segundo denuncia a CIG de Verín, por mor do comportamento do seu alcalde, Xosé Xaquín Rodríguez Ambrosio. Os feitos remóntanse ao ano 2006, cando o traballador se incorporou ao concello de Rairiz tras da disolución da Mancomunidade, onde desenvolvía a súa actividade.

O venres 20 de maio tiña lugar no concello de Dozón unha cea de homenaxe a outro dos infatigábeis loitadores contra o acoso laboral no concello de Dozón, José Areán, que recibiu esta mostra de apoio por todos os seus anos de traballo e compañeirismo como funcionario no concello de Dozón.

Pasadas as doce da mañá delegados e delegadas de Servizos da comarca de Vigo da CIG concentrábanse diante do centro de estética Icaria, para denunciar a situación de acoso laboral que están a sufrir as traballadoras desta empresa desde que escolleran delegada de persoal, nunhas eleccións sindicais no mes de febreiro.

As palabras de Ana Lois Navaza, a presentación de probas periciais, sentenzas e testemuñas volveron ratificar o acoso laboral no Concello de Dozón. A CIG reclama que se inhabilite ao alcalde e que se recoñeza o delito cometido por Adolfo Campos Panadero por prevaricación, atentar contra o dereito dos traballadores, falta de medidas de seguridade no posto de traballo, lesións e discriminación por ideoloxía.

O vindeiro martes 19 de febreiro celebrarase no Xulgado do Penal nº 3 de Pontevedra un novo xuízo polo caso de nove anos de acoso laboral do alcalde de Dozón á delegada da CIG no Concello, Ana Lois Navaza. Para falar destas cuestións tivo lugar o 14 de febreiro unha rolda de prensa.