A sección sindical da CIG na Administración de Xustiza da Coruña reclama a constitución dun cuarto xulgado en Betanzos posto que os existentes están desbordados de traballo. O partido xudicial conta con 17 concellos e cunha poboación de 80.000 habitantes.

A CIG – Administración Autonómica prosegue coa campaña de denuncia da amortización inxustificada de 42 postos de traballo que emprendeu a Consellaría de Presidencia. Medio cento de delegados da CIG e traballadores da Xunta concentráronse o 29 de maio diante do Edificio Administrativo de Monelos, en A Coruña. Denuncian que Méndez Romeu botará 42 traballadores coa intención de crear prazas de libre designación para o seu equipo na Secretaría Xeral de Presidencia.