Esta Guía ten como obxectivo achegar ás nosas delegadas e delegados unha ferramenta de traballo a propósito dos plans de igualdade, unha das medidas que recolle o marco normativo actual, para acadar a igualdade entre as mulleres e os homes no mercado laboral.

A Secretaría da Muller da CIG vén de demandar da Xunta de Galiza que se faga público o contido do “Acordo para a Integración da Igualdade na Empresa”, presentado este xoves 17 de xullo coincindindo coa visita da ministra de Igualdade, Bibiana Aído. A secretaria confederal, María do Carme López Santamariña, demanda ademais que se dean a coñecer os criterios polos que o convenio foi asinado coas 62 empresas que se deron a coñecer no acto.

A comarca da CIG de Vigo deseñou unha campaña de información e denuncia sobre a situación de riscos laborais que existen durante o período do embarazo e a lactación natural. O martes 24 de xuño ás once e media da mañá realizabase a presentación da mesma diante dos medios de comunicación.

A Secretaría da Muller da CIG únese ás críticas contra a reforma da directiva de Tempo de Traballo, aprobada a semana pasada polos ministros de Emprego da UE, que pretende ampliar a 65 horas o número máximo de horas que comprenden a xornada laboral. A medida, para a súa entrada en vigor, aínda ten que ser debatida e aprobada no Parlamento europeo.

A Secretaría da Muller da CIG informa que o Diario Oficial de Galiza publicou, o 10 de xuño, a orde que regula as axudas económicas para atención da primeira infancia a través do cheque infantil en escolas infantís (de 0 a 3 anos) non sostidas con fondos públicos.

A Secretaría da Muller da CIG informa que no DOG do 8 de maio figura unha subvención pola que se convocan estadías de tempo libre para mulleres soas con responsabilidades familiares non compartidas.