Os mariscadores, percebeiros e mariñeiros afectados polas obras do porto exterior da Coruña realizaron un peche nas instalacións da delegación da Consellería de Pesca para reclamar o pago das indemnizacións. Os afectados exixen á administración que cumpra coa parte do convenio asinado coa Autoridade Portuaria para poder cobrar as axudas.

O responsábel do sector do Mar da CIG, Xavier Aboi, e Xesús García Couso, responsábel de negociación colectiva da Federación, denunciaron a situación “de escravitude” na que se atopan os mariñeiros indonesios que traballan para barcos con bandeira española ou con intereses españois. Aboi apuntou directamente a empresas que “trafican con carne humana” e acusou á administración galega e estatal por permitir a existencias de contratos baixo estas condicións.

Os mariscadores, percebeiros e mariñeiros de baixura afectados polas obras do porto exterior coruñés, situadas en Punta Langosteira (Arteixo), aínda non cobraron as indemnizacións polo cesamento forzoso da súa actividade nesa zona. Os damnificados retomaron o 4 de decembro as protestas cunha concentración diante da Autoridade Portuaria.

Arredor duns 100 mariñeiros da flota NAFO (Organización de Pesqueiras do Atlántico Noroeste), entre os que se atopaba unha representación da CIG, pecháronse o 4 de novembro na Delegación do Ministerio de Medio Ambiente, Medio Rural e Medio Mariño en Pontevedra, durante unha hora, para denunciar o incumprimento da publicación das axudas económicas ao sector. O responsable nacional do sector de Mar, Xabier Aboi, sinalou que a situación actual é “inaceptable” xa que supón que os mariñeiros permanecen sen cobrar.

Medio cento de mariñeiros e percebeiros afectados polas obras do porto exterior de A Coruña concentrouse na mañá do 30 de xuño ás portas da sede da Autoridade Portuaria para demandar o pagamento inmediato das indemnizacións polo cesamento forzoso da súa actividade en Punta Langosteira.

A Comisión de mariñeiros, percebeiros e mariscadores afectados polas obras do porto exterior de A Coruña anunciou que o colectivo retomará as mobilizacións no caso de que a Autoridade Portuaria non fixe unha data para o pago das indemnizacións aos damnificados, 200 profesionais do mar, polo cesamento forzoso da súa actividade en Punta Langosteira.