Integrantes da CIG e do comité de empresa da UTE-Langosteira trasladaron as súas protestas até a sede da Autoridade Portuaria coruñesa. Este ente público é o contratante das obras da dársena exterior onde foron despedidos oito obreiros recentemente.

Integrantes do comité de empresa da UTE-Langosteira (encargada da construción do porto exterior da Coruña) e membros da CIG cortaron, desde as 07:00 até as 09:30 horas do 11 de novembro, os accesos ás obras da nova dársena e retrasaron a incorporación da quenda da mañá hora e media, en protesta polo despedimento de oito obreiros.

O Xulgado do Contencioso-Administrativo número 4 de A Coruña desestimou o recurso que interpuxera a empresa téxtil MAFECCO contra a resolución da Dirección Xeral de Relacións Laborais da Xunta que desautorizaba o Expediente de Regulación de Emprego que presentara a firma en 2006. MAFECCO pretendía deslocalizar a súa planta de Arteixo a China e despedir 70 traballadoras.