A Consellería de Traballo suspendeu o Expediente de Regulación de Emprego presentado pola construtora Eshor a través do que pretendía extinguir o contrato de 150 postos de traballo. A Xunta decidiu remitir o expediente do ERE ao Xulgado do Social de Ferrol, tal e como demandara a CIG co apoio dos traballadores e traballadoras da construtora durante a reunión mantida coa Delegación de Traballo.

O colectivo que conforma o actual persoal de Cableados Auto, e que formou parte de Valeo, volvou sair ás rúas e mobilizarse para denunciar a súa máis que incerta situación, despois de que o venres 12 de decembro Cableados lle anunciaron un expediente de extinción de todos os contratos. Isto conlevaria o peche da empresa e confirmaría as preocupacións destas traballadoras, que levan máis de catro anos loitando polo mantemento dos seus empregos, e que volveron demostrar a súa enerxía e forza nesta nova xornada de loita.

CIG-Construción rexeita, ademais de considerar inaceptábel, o Expediente de Regulación de Emprego (ERE) presentado pola construtora Eshor, co que pretende extinguir o contrato de 150 obreiros. Esta federación do sindicato cualifica de escandaloso o feito de que a empresa poida despedir impunemente todos estes traballadores cando recibe cuantiosas axudas públicas para a “estabilidade no emprego”. Eshor, ademais, obtivo 10 millóns de euros de beneficios nos últimos anos.

O luns 10 de novembro tivo lugar a rolda de prensa de presentación da mobilización convocada pola CIG para o próximo 13 de novembro "Por un novo modelo económico e social" e para que "A crise a pague o capital", na comarca de Vigo. Asi, informouse de que esta será a manifestación central da organización sindical nacionalista, que contará coa presenza do secretario xeral da CIG, Suso Seixo. Esta marcha sairá ás oito da tarde de Vía Norte e rematará o seu percorrido na Porta do Sol.

Pasadas as oito e media da tarde comezaba a marcha en defensa do emprego na automoción, convocada pola CIG. Traballadores e traballadoras de empresas do téxtil, do transporte, do metal e de químicas afectados pola crise no sector da automoción estiveron presentes nesta mobilización, para demandar medidas globais para facer fronte ao actual contexto de crise no automóbil, e non actuacións individuais e negativas para a clase traballadora como os expedientes de regulación de emprego.

O venres 24 de outubro é o penúltimo dia de aplicación do primeiro ERE aprobado para esta empresa auxiliar de PSA Citroën. Nesta nova xornada de expediente o Comité de Empresa convocou a todos os traballadores a unha nova xornada de mobilización para denunciar a complicidade das Administracións na aprobación deste ERE, asi como amosar o rexeitamento do persoal desta factoría do automóbil a esta medida. A dirección xa presentou un novo ERE de 12 días para novembro e decembro.