O xoves 27 de novembro foi inagurado o Servizo de Migración en Lugo cunha presentación do secretario Comarcal, Xosé Ferreiro, da secretaria Confederal de Servizos, Afiliación e Migración, Elvira Patiño Ogea, do responsábel do departamento en Lugo, Alexandre Penas Roibás e do responsábel do Servizo de Migración da Coruña Xurxo Martínez Crespo.

Unha escolma do traballo do fotógrafo venezolano Federico Fernández Ackermann ficou inaugurada na mañá do 27 de novembro na sede do sindicato en Lugo. CIG-Migración tamén organiza o 28 de novembro na Coruña a charla “Psicopatoloxía do retorno”, que abordará a situación dos emigrantes galegos retornados a partir das narracións das súas experiencias.

Con unha importante participación de empregadas de fogar realizouse a xornada denominada “Emprego Domestico Analisise e debate” organizada polo departamento de Emigración da CIG, coa colaboración da Concellaria de Igualdade e de Benestar Social do Concello de Vigo. Foron case un cento as mulleres que se reuniron neste encontro para informarse e formarse sobre os dereitos, que na imensa maioría dos casos, lle son negados no emprego doméstico.

Nunha rolda de prensa, que tivo lugar este martes ás 11.30 da mañá no local da CIG de Vigo, presentouse a xornada “Emprego doméstico: analise e debate”, que terá lugar o sábado 27 de setembro, e que organizada polo Departamento de Migración da CIG, conta coa colaboración da asociación de empregadas do fogar Xiara. Participarán importantes e destacadas investigadoras e analistas da situación das traballadoras no emprego doméstico, asi como terán voz as propias traballadoras deste sector.

O Departamento de Migración da Confederación Intersindical Galega está organizando un curso de auxiliar de axuda a domicilio, dirixido a inmigrantes e emigrantes retornados/as desempregados/as, a impartir na cidade nos locais de Fundación para a orientación Profesional, Emprego e Formación en Galiza, FORGA.

Tras facerse públicas, o pasado día 24 de xuño, as detencións de 17 persoas, a meirande parte delas empresarios da comarca de Compostela, relacionadas con delictos de estafa ou de explotación laboral de inmigrantes marroquís, a CIG, a través do seu Departamento de Migración quere facer pública a súa máis enérxica condena e anunciar que continuará a pular por un sistema normalizado de contratación legal.