A CIG-Ensino da Coruña denuncia a decisión da Consellaría de Educación de suprimir o ciclo formativo “Módulo I de Taller Cerámico” na Escola de Artes Plásticas Pablo Picasso da cidade herculina. Esta medida deixou na rúa os 14 alumnos inscritos e supuxo a perda de postos de traballo de profesores deste centro educativo.

Na Mesa Sectorial de Educación celebrada este venres 20 de xuño, debatéronse, entre outros, os cadros de persoal dos centros educativos e os currículos de Técnicos en balonmán, baloncesto e atletismo. Nesta xuntanza a CIG-Ensino denunciou a falta de seriedade institucional coa que se está a desenvolver e cualificou de “inadmisíbel” que en numerosas ocasións xa, non estea presidida polo seu presidente, que non se dea resposta ás cuestión presentadas, que se realicen cambios na orde do día ou que as actas estean sen aprobar de hai meses.