Unhas dúas mil persoas manifestáronse o venres 12 de setembro ás seis da tarde no municipio lucense de Quiroga e cortaron o tráfico na Nacional-120 ao seu paso polo municipio para expresar a súa desconformidade co "desmantelamento" do sector da lousa e a "grave situación" pola que atravesan os centos de familias que dependen deste traballo, e que levan meses sen receber o seu salario.

O Colexio Maristas “La Inmaculada” de Lugo botou nos últimos días dous profesores que se solidarizaran con outros dous compañeiros que foran despedidos anteriormente. Antes de que se producisen os últimos despedimentos, a CIG-Ensino de Lugo xa alertara a Consellaría do ambiente de represión laboral existente no colexio.

Membros da CIG-Servizos e da Unión Comarcal de Lugo concentráronse o 7 de maio diante da Subdelegación do Goberno español na cidade para denunciar o intrusismo laboral na seguridade privada. A central nacionalista, ademais, esixe a readmisión dos 12 vixilantes despedidos na empresa “GARDA Servicios de Seguridad S.A.”.

Medio centenar de traballadores percorreu a pé os 40 quilómetros que separan Guitiriz de Lugo para esixir a readmisión dos 30 despedidos da empresa Ingemarga. A camiñada solidaria arrincou ás 7:00 do 5 de marzo e concluíu seis horas máis tarde diante do Edificio Administrativo da Xunta da capital luguesa.

Por volta de 300 persoas saíron ás rúas de Guitiriz o pasado 1 de marzo para expresar o seu apoio e esixir a readmisión dos 30 despedidos da empresa Ingemarga. Ao mesmo tempo que se desenvolvía a marcha, os comercios da vila pecharon en solidariedade cos empregados represaliados

Ingemarga, empresa dedicada ao corte e serrado de pedra e mármore na localidade chairega de Parga (Guitiriz), despediu nos días pasados 30 dos seus traballadores, dous deles membros do Comité de Empresa, ao negárense a traballar na sección de serra durante as fins de semana.