Unha delegación dos mineiros das auxiliares de Meirama e da CIG reuniuse cos representantes do Concello de Cerceda nas mesas do carbón local e autonómicas para solicitarlles o seu apoio para que se materialice o 100% das recolocacións. As xestións urxen, posto que en xullo finalizan moitos dos contratos que teñen subscritos os mineiros coas súas empresas.

Delegados sindicais da CIG nas empresas auxiliares das minas de Meirama e As Pontes concentráronse o 7 de febreiro diante da Delegación do Goberno español en A Coruña. Posteriormente, rexistraron dous escritos dirixidos ao Goberno do Estado para que poña fin á discriminación que padecen os empregados das auxiliares da minaría do país.

Os avances producidos no conflito das auxiliares de Meirama, como o mantemento dos postos de traballo dos mineiros durante seis meses máis desde o peche do xacemento, ocorrido o pasado 31 de decembro, débense á capacidade de mobilización que amosaron os operarios. A última convocatoria de folga serviu para forzar a Masa, Soluziona e Fergo a garantir o traballo na mina até o próximo verán.

A CIG denuncia a opacidade do proceso de selección de 80 traballadores das auxiliares que se incorporaron a Endesa en As Pontes. Da lista foron excluídos operarios afiliados á central nacionalista, algúns deles con 30 anos de traballo na mina. A CIG non dubida en responsabilizar desta manobra caciquil a UGT e CCOO, presentes na Comisión de Seguimento do Plan Miner II, da que foi excluído o sindicato nacionalista.