Arredor de medio milleiro de delegados e delegadas da CIG exixiron diante do Parlamento de Galiza a redacción duns novos orzamentos capaces de achegar respostas axeitadas a situación de crise económica. Durante a convocatoria tamén se denunciou o bloqueo que está a sufrir a Iniciativa Lexislativa Popular por parte dos grupos parlamentares, que rexeitaron debater o texto contra o plus dos altos cargos.

  A CIG remitiu aos medios de comunicación unha nota na que exixe que o Parlamento de Galiza aclare quen tomou e por que, a decisión de impedir aos representantes da central, promotores da Iniciativa Lexislativa Popular, facer declaracións nin sequera ás portas do edificio do Parlamento de Galiza.

O portavoz do grupo parlamentar do BNG, Carlos Aymerich, remitiu un escrito á presidenta da Cámara en protesta polos feitos acontecidos na mañá do martes 17 de xuño no Parlamento, nos que os representantes da CIG foron expulsados cando ían atender aos medios de comunicación despois de presentar unha iniciativa lexislativa popular.