As Xuntas de Persoal Docente non Universitarias, órganos de representación do profesorado, das provincias da Coruña, Lugo e Pontevedra, que representan a 13.000, 4.500 e 11.000 docentes respectivamente, veñen de aprobar unha resolución presentada pola CIG-Ensino en demanda dun bacharelato máis compensado, laico e de calidade. Ademais aprobaron unha emenda para restabelecer a xornada reducida de catro horas nos centros de Infantil, Primaria e CEIPs.

Despois de que o día 15 de maio, na Mesa Sectorial, a Consellaría non aceptase a proposta da CIG-Ensino de restabelecer, en todos os centros educativos, a xornada reducida de xuño e setembro, suprimida o curso pasado, a CIG-Ensino convocou unha concentración de delegados/as do ensino público, o pasado venres día 16 de maio, diante da Consellaría de Educación.