Delegados e delegadas de CIG-Saúde concentráronse, na mañá deste martes 25 de novembro, diante das dependencias da consellaría de Sanidade para manifestar o seu desacordo coa privatización do servizo de cita previa, o incumprimento dos acordos en materia de recursos humanos e da zonificación da atención primaria nas cidades ou a lentitude no arranxo dos atrancos para acceder á tecnoloxía, entre outros.

A CIG-Saúde vén de pór en marcha unha campaña dirixida tanto aos profesionais como á poboación en xeral, para alertar das graves consecuencias que terá a política de privatizacións que está a desenvolver a consellaría de Sanidade nas condicións laborais do persoal sanitario e na calidade asistencial. Por iso, xa solicitaron unha entrevista urxente coa conselleira de Sanidade e advirten de que se non se muda esta situación iniciarán mobilizacións.

Delegados e delegadas da CIG concentráronse de forma simultánea nas sete cidades galegas e na Mariña para manifestar a súa oposición ás modificacións introducidas na Directiva de Tempo de Traballo. Nas asembleas previas anunciouse tamén a posta en marcha da campaña contra a crise económica e alertouse do intento de rematar coa exclusividade dos médicos da sanidade pública pola vía de xeneralizar o complemento específico que, até o de agora, reciben aqueles que só traballan no sistema público.

A asemblea de delegados da Coruña do 1 de outubro, celebrada nun ateigado salón de actos do Edificio Sindical, xirou en torno á campaña nacional que está a emprender o sindicato contra a Directiva de Tempo de Traballo, coñecida popularmente como a Directiva das 65 horas.

O servizo de citacións foi concedido, mediante concurso, a unha empresa privada para que monte unha Central de Chamadas que dea resposta ás solicitudes de cita telefónica para o persoal Médico e de Enfermería de Atención Primaria. Para dar estas citas esta empresa privada fará uso dos datos dos pacientes que figuran na tarxeta sanitaria, que están en poder do Sergas.

CIG-Saúde celebrou o pasado 20 de maio unha concentración diante das dependencias do SERGAS en Compostela para reclamar un cambio nas prioridades da Consellaría de Sanidade e que se potencien os recursos humanos e os destinados á súa xestión para que se remate cos atrasos acumulados en diferentes procesos.