O presidente da Mesa pola Normalización Lingüística, Carlos Callón, demanda que a Xunta retome as axudas directas ás empresas para o uso do galego. Callón, que presentou un informe sobre a situación do galego no mundo da empresa, cualificou de “distracción fraudulenta de diñeiro público” o macroconvenio asinado entre a Secretaría Xeral de Política Lingüística e a Confederación de Empresarios de Galiza (CEG) en materia de normalización lingüística, co que se substituíron estas axudas.

O Responsábel Nacional da Mocidade pola Normalización Lingüística, Fran Rei García, compareceu na Comisión parlamentar para o estudo da situación da mocidade en Galiza, en representación desta asociación. Rei alertou do proceso de substitución do galego en favor do castelán e reclamou o desenvolvemento do Plan xeral de Normalización da Lingua Galega.