As traballadoras de Galicia Dixital volveron a concentrarse diante das instalacións desta exposición permanente, na Praza da Inmaculada en Compostela para, posteriormente marchar cara o edificio administrativo da Xunta de Galiza en San Caetano. Denuncian que a concesionaria depende da Secretaría Xeral de Comunicación, que a súa vez depende de Presidencia, pero que Touriño, máis alá de utilizar o tema do emprego feminino nos discursos non fai esforzo algún por solucionar a súa situación.