O mércores 25 de xuño ás 19.30 terá lugar un acto na CIG de Ourense para dar a coñecer a actividade da CIG no seu departamento de Relacións Internacionais e Cooperación para o desenvolvemento, e máis concretamente, das accións levadas adiante no Sáhara.

No marco do traballo que se está a desenvolver desde o departamento confederal de Formación Sindical inscríbese a conferencia coloquio sobre a situación política e social en Venezuela e Arxentina, que terá lugar este xoves, día 12 de xuño, a partir das 9:45 horas. Na mesma contarase coa presenza de Carlos Chile, da Dirección Nacional do Movemento Territorial de Liberación da Arxentina (movemento piqueteiro integrado na CTA) e José Bracho, responsábel de redes Sociais do partido Patria para Todos de Venezuela.

Máis de 350 centrais sindicais de todo o mundo, entre elas a CIG, participan na 97ª Conferencia Internacional do Traballo que se está a celebrar na cidade suíza de Xenebra desde o pasado 27 de maio, con finalización prevista para o próximo venres 13 de xuño.

O secretario nacional da Federación da Construción da CIG, Xoan Xosé Melón, participou na última semana de distintos encontros e reunións en Brasil, co movemento sindical internacional, para analizar cal é a situación dos traballadores deste sector.

A CIG – Químicas e Enerxía, a través do seu secretario nacional, Abelardo Landeira, remitiu unha carta ao resto de sindicatos afiliados á UIS - Enerxía da Federación Sindical Mundial (FSM) na que expresa a solidariedade con Guadalupe Hilario e outros/as activistas campesiños e indíxenas do Perú, encarcerados polo goberno neoliberal de Alan García.

O pasado 19 de abril de 2008 tivo lugar na cidade de Lisboa o “Seminário internacional migrações e mundo do trabalho”, que contou coa CIG en calidade de organización convidada. De seguido reproducimos a crónica elaborada por Xurxo Martínez Crespo.