A comarca da CIG de Vigo deseñou unha campaña de información e denuncia sobre a situación de riscos laborais que existen durante o período do embarazo e a lactación natural. O martes 24 de xuño ás once e media da mañá realizabase a presentación da mesma diante dos medios de comunicación.

A Secretaría da Muller da CIG únese ás críticas contra a reforma da directiva de Tempo de Traballo, aprobada a semana pasada polos ministros de Emprego da UE, que pretende ampliar a 65 horas o número máximo de horas que comprenden a xornada laboral. A medida, para a súa entrada en vigor, aínda ten que ser debatida e aprobada no Parlamento europeo.

A Secretaría da Muller da CIG informa que o Diario Oficial de Galiza publicou, o 10 de xuño, a orde que regula as axudas económicas para atención da primeira infancia a través do cheque infantil en escolas infantís (de 0 a 3 anos) non sostidas con fondos públicos.

A Secretaría da Muller da CIG informa que no DOG do 8 de maio figura unha subvención pola que se convocan estadías de tempo libre para mulleres soas con responsabilidades familiares non compartidas.

Anxo Louzao e Dores Fernández, secretarios nacional e da Muller de CIG-Ensino, presentaron en rolda de prensa as conclusións dun estudo sobre a participación das mulleres na dirección dos centros educativos, que evidencia a baixa presenza das mulleres na dirección dos centros, malia ser maioría no profesorado. Por iso, CIG-Ensino demanda da Consellaría de Educación que se elabore un Plan de Igualdade para o Ensino.

A Secretaría da Muller da CIG vén de presentar a súa campaña para este 8 de marzo, Día da Muller Traballadora, baixo o lema “Loitando contra a dobre presenza: Dobre loita, dobre resposta”. Unha campaña que, alén de denunciar as condicións laborais ás que se enfronta a muller galega, alerta das graves repercusión que, para a súa saúde ten a dificultade de conciliar a vida laboral e familiar. Os datos, que aparecen recollidos no informe “A muller no mecado laboral en Galiza. 2007” avalan esta afirmación.