Confederación Intersindical Galega | por unha Galiza ceibe e sen explotación!

Tamén están imputados os responsábeis das empresas HELICSA e REMASA

Admiten a trámite a querela da CIG contra sete altos cargos de Fomento pola súa actuación no naufraxio do “Cordero”

O Xulgado de Instrución número 2 de Ferrol vén de admitir a trámite a querela criminal presentada pola CIG contra sete altos cargos do Ministerio de Fomento e contra os máximos responsábeis das empresas HELICSA e REMASA pola súa actuación no naufraxio do “Cordero”. A central entende que todos eles cometeron delitos de “homicidio imprudente por omisión” e “contra os dereitos dos traballadores”.

A sentenza recoñece que tanto a quilometraxe como a carga de traballo era excesiva

Revogada unha sanción de suspensión de emprego e soldo a unha traballadora eventual de Correos

O Xulgado do Social nº1 de Ferrol vén de revogar a sanción de suspensión de emprego e soldo dun mes á traballadora eventual de Correos que presta os seus servizos na zona do Seixo, dependente da Oficina de Fene. Correos deberá reporlle o salario de 1.301 euros que deixou de percibir no mes de abril, cando se cumpriu a sanción.

O Xulgado do Social de Ourense considera que se vulnerou o dereito á tutela xudicial efectiva

O concello de Os Brancos ten que readmitir a un traballador despedido, segundo sentenza, por ‘discriminación ideolóxica´

O Xulgado do Social nº 1 de Ourense vén de declarar nulo o despedimento dun traballador “por vulneración dos seus dereitos fundamentais, en concreto a garantía de indemnidade que leva aperllado o dereito á Tutela xudicial efectiva e por ter sido discriminado por razóns ideolóxicas”. Segundo a sentenza o concello debe readmitilo inmediatamente e abonar os salarios que o traballador deixou de percibir.

Pola defensa dos dereitos laborais dos traballadores da entidade

A CIG votou en contra do modelo de Xestión da Caixa Galicia

O pasado 28 de xuño tivo lugar a Asemblea Xeral da Caixa de Aforros de Galicia, que entre outras cuestións debía aprobar as contas do exercicio 2007 así como a composición dos órganos de goberno despois da renovación do 50% da Asemblea. A CIG votou en contra da xestión desta Caixa de Aforros por considerar que estamos ante un modelo neoliberal e especulativo negativo para Galiza e moi agresivo no laboral.

Continúan as iniciativas para impedir a destrución de 400 postos no banco

A Sección Sindical da CIG no BBVA reúnese coa Consellería de Traballo

O contencioso-administrativo inclúe tamén outras materias optativas no bacharelato